再一次面對家庭重塑，
雖然重塑的不是我的家，心中仍然有很多的感動、反思。

曾有一刻想過讓自己走到鎂光燈下，
在掙扎的一刹那，我就知道，我根本還未有勇氣。
我向來也不擅於處理未知；那種恐懼能叫我完全倒下。
時候未到，也不好勉強自己，免得有反效果。

今天的角色，比前兩次的都更易讓我動容。
很快很快的投入了，卻很難很難的抽離。

哭得很兇，情緒來得很猛。
就好像我已把自己的所有都掏出來，於是，虛脫了。

謝謝你，讓我得到承托、得到承載。
在這些時候，有人扶一把的感覺真好。
我，會學會好好跟自己相處、好好愛自己。

我還是渴望愛，但我終會感受到自己是值得被愛的，
不用刻意討好、奉承，不用付出到埋沒自己，
也不必刻意收起自己的悲傷，直至情緒滿瀉、爆發，傷害了彼此。

謝謝那些安慰過我的人。
我知道在我不能自已的時候，身邊總有你們。
我知道我不孤單，我知道自己是充滿祝福的~

要感謝今天的那位主角。
謝謝你讓我有面對自己的機會。

真的很奇妙，這三次的感覺一次比一次重；
代入感一次比一次強，當然，抽離也越來越難。
不過我相信，我已經可以成功抽離角色，做回eunice。
我，可以活得不一樣。

阿媽發o左好大好大o既脾氣。
我了解佢發脾氣背後o既1 o適的原因，
但我始終無辦法接受呢種表達方法。

有時都會問點解我可以分析到佢。
如果我分析唔到，可能我仲可以舒舒服服話我討厭~
而且都唔知可以搵邊個幫......
人地只能夠做都分析，等我明白多o的個情況~
但我o既問題係，我可以理性上理解，但感性上處理唔到。

我o既反應咁大，或者係因為佢踩o左落我o既rules 度。
大概我真係覺得父母係應該用盡任何方法去保護仔女。
而佢呢種行為，偏偏深深咁傷害晒我地。
可能佢覺得，無拎錢返屋企o既就唔應該有發言權~
但事實係，我地連free will 都無，要做都無睇法、無感情~
(e...... 其實某程度上佢都算虐兒喎~)

由細到大感受到o既係 conditional love~
要成績好、要聽晒佢話、要自動自覺做d 佢想你做o既野先可以有人錫。
開始都會想去追，始終我重視佢對我o既睇法，而我亦都需要愛~
但慢慢，就發覺呢o的根本唔係我想要做o既野~
而當呢個家滿足唔到我對unconditional love o既需要，
就令到自己向外尋求；向朋友尋求，更加好想拍拖。
好想搵到個種無條件o既接納。
只可惜，越想得到，就越易行返舊路。
倒頭黎，對住朋友都係討好行先，繼續無意見。
之後拍拖，都希望做到最好，令自己可以繼續「被愛」。
當然，呢種行為絕對滿足唔都我o既需要啦~ (好reality therapy)
結果只係1 次又1 次咁迷失自己。

想離開呢個家，呢個諗法依然存在。
只係，唔接觸stimulus 唔代表問題已經解決o左~
而我知道，唔解決佢，我呢世都會有條刺，影響我o既人生~

突然好唔想生仔。
難o既唔係在於點養，而係點教、點令佢唔好走入我o既心理陰影~
唔好因為我o既unfinished business 而影響佢1 生。
呢樣，似乎就係我對「父母盡力保護仔女」o既定義~

尋日返placement 被踢爛o左隻手指...... so bad......
知道read 唔返裡面o的野果下真係想喊......
但同事好似無咩反應，掉低句唔好意思就走o左去......
我只覺得咁樣真係好無禮貌 & 風度~
我隻手指直情係裂o左...... 而好明顯個兇手就係佢~
唉~~~~~~
  
好彩o的野大部份都有backup，其他果o的又唔急用~
放工即刻去埋返隻手指，仲埋多o左條extend 線~
咁樣應該唔會在被同事踢都喇掛~

下晝1st session 見case~
本身約佢點半，但佢食完飯就唔肯等，12 點9 衝入office 搵我......
結果我食得2 啖飯，就要去見佢喇~

第1 次見case...... 佢每3 個字就問我傾完未~
搞到我覺得好似我專登留佢o係度唔俾佢走，仲要r 傾......
好努力諗d 日常生活o既野同佢傾，希望可以engage 到佢~
不過佢都幾minimal.......... 有d 位我都真係會唔知點回~

當然，第1 次見case，1 定仲有好多野可以改進。
事後諗返都知有o的位其實可以入~

之後同呀sa 傾返，總有少少不被理解o既感覺~
當然，我知道呀sa 唔係黎理解我o既，
只係呢種感覺都真係麻麻，尤其係見完case 仲亂緊o既時候。
或者佢真係習慣o左做呢type case~
而我，就真係要惡補下 working with reluctant client~

可能係因為之前個worker 太多case o係手，無咁多時間見佢，
令佢覺得只係有新工介紹o既時候先需要見~
又或者係醫務社工令佢覺得1 個月見1 次已經好密~
總之佢就好抗拒下星期再見worker~
仲問我要傾咩，好想之係咪非傾不可~

其實我覺得，既然佢無咩好特別o既問題，
暫時佢o既需要都已經有worker 跟緊、處理緊，
咁我見佢見得咁密係為咩呢......
純粹係「迫」個client 俾我練engagement ?!
o係無咩大問題o既情況下，咁樣迫佢黎見我，仲係咪為佢好呢...
有會唔會令佢有朝1 日真係有問題時，會放棄搵社工幫手呢~

就好似grace 咁講，client 覺得而家未係改變o既時候，
無人可以迫得到佢；咁樣迫即都唔健康~

咁...... 我而家o係到做緊o的咩......

成個人都好唔知點咁~
由個身發出黎o既熱，好似發燒咁~

自己pop up o的諗法都知真係好躁~
而suppress...... 係有代價架......
就係將令自己唔開心o既野忘記.....
唉...... 偏偏忘記o左樣最緊要最緊要o既......
真大鑊~

突然覺得，「溝通不良」呢個名其實已經美化o左成件事~
因爲好多情況都唔止不良咁簡單，事實係接近 0 溝通~

今晚，好多情緒添......
搵到原因，又可以點對正下藥呢......